Құпиялылық саясаты
Редакциясы: 2026 жылғы 20 қазан.
Деректерді кім өңдейді
Оператор — Dara (dara.study), ҰБТ-ға дайындық платформасы және Dara Study қосымшасы.
Деректерді өңдеу жөніндегі сұрақтар: privacy@dara.study.
Қандай деректерді жинаймыз
| Деректер | Не үшін |
|---|---|
| Аты-жөні, электрондық пошта | Есептік жазба; оларды кіру кезінде Google не Apple береді |
| Телефон нөмірі | Куратор мен менеджердің оқушымен байланысы |
| Сынып, қала, мектеп, бейінді пәндер, мақсатты балл және ЖОО | Курстар мен лентаны іріктеу |
| Оқу үлгерімі: сабақ қаралымдары, «өтілді» белгілері, тест жауаптары, өзіңіз енгізген ҰБТ нәтижелері | Оқушыға және ағын кураторына прогресті көрсету |
| Сіз жүктейтін фото мен файлдар: үй жұмысы, профиль фотосы, ҰБТ нәтиже парағының фотосы | Куратордың үй жұмысын тексеруі, профиль, нәтижені растау |
| Техникалық деректер: құрылғы түрі, қосымша нұсқасы, қосымшадағы әрекеттер | Жұмысқа қабілеттілік, қателерді талдау және өнімді жақсарту |
Нақты геолокацияны және контактілер тізімін сұрамаймыз. Камера мен фотоға рұқсатты қосымша тек сіз файл қосқанда сұрайды: үй жұмысын, профиль фотосын немесе ҰБТ нәтиже парағын.
Қандай негізде
Өңдеу сіздің келісіміңіз негізінде жүреді: оны тіркелу кезінде және курсқа өтінім жіберген кезде бересіз. Келісімді есептік жазбаны жою арқылы кері қайтаруға болады.
Кәмелетке толмағандар
Өнім 9–11 сынып оқушыларына арналған. Оқушы 18 жасқа толмаған болса, деректерді өңдеуге келісімді ата-анасы немесе заңды өкілі береді.
Деректерді кімге береміз
| Алушы | Нені алады | Не үшін |
|---|---|---|
| Google, Apple | Кіру фактісі; есептік жазба деректері солардан | Құпия сөзсіз кіру |
| Sentry | Қате туралы техникалық мәліметтер | Ақауларды талдау |
| Firebase Cloud Messaging | Құрылғы идентификаторы | Хабарламалар жіберу |
Оқушылардың деректері сатылмайды және жарнама желілеріне берілмейді.
Қайда және қанша сақталады
Деректер платформаға қызмет көрсететін серверде сақталады.
Оқу деректері есептік жазба белсенді болғанша және жойылғаннан кейін бір жыл сақталады. Қызметкерлер әрекеттерінің журналы — екі жыл. Техникалық журналдар — 90 күн.
Сіздің құқықтарыңыз
Деректеріңіздің көшірмесін сұрауға, оларды түзетуге немесе есептік жазбаны жоюға болады. Сұранысты privacy@dara.study мекенжайына жіберіңіз — заңда белгіленген мерзімде жауап береміз.
Есептік жазбаны қалай жоюға болады
Dara Study қосымшасында: «Профиль» → «Менің деректерім» → «Аккаунтты жою». Қосымшасыз — есептік жазба байланған мекенжайдан privacy@dara.study поштасына хат жазыңыз. Есептік жазба прогресімен бірге жойылады, деректер иесіздендіріледі.
Саясаттың өзгеруі
Өзгерістер туралы осы бетте хабарлаймыз. Соңғы өзгеріс күні беттің жоғарғы жағында көрсетіледі.